फेसबुकने आणले 'बर्थडे स्टोरी'चे नवीन फिचर

 

जगात सर्वात जास्त वापरकर्ते असलेल्या फेसबुकने 'बर्थडे स्टोरीज्' हे नवीन फिचर लाँच केले आहे. यामध्ये फेसबुक फ्रेण्ड्सला आपल्या वाढदिवसाला एका विशिष्ट स्टोरीमध्ये फोटो किंवा व्हिडीओ अपलोड करण्याचा पर्याय उपलब्ध करण्यात आला आहे. यामुळे वाढदिवसाच्या दिवशी फ्रेंडलिस्टमधील कोणत्या मित्र-मैत्रिणींनी तुम्हाला शुभेच्छा दिल्या आहेत हे लगेच कळेल.

या फीचरमध्ये नवनवीन आठवणीत राहणारे वाढदिवसाचे मेसेजेस अंतर्भूत आहेत. हे एखाद्या व्यक्तीला वाढदिवसाच्या शुभेच्छांचे ग्रीटिंग कार्ड दिल्यासारखेच असणार आहे, असे फेसबुकने सांगितले. 

संबंधित फिचरचा वापर करण्यसाठी आधी बर्थडे नोटिफिकेशनवर क्लीक करा. यानंतर तुम्ही शुभेच्छांचे फोटो किंवा शॉर्ट व्हिडीओ अपलोड करू शकता. या शुभेच्छा थेट तुमच्या मित्रमैत्रिणींच्या स्टोरीजमध्ये दिसतील. सोबतच तुम्ही या स्टोरीमध्ये वाढदिवसाच्या गाण्याचे ऑडिओ जोडू शकता. तसेच वैयक्तिक स्लाइड-शो चा पर्यायही उपलब्ध असणार आहे. 

फेसबुकच्या माहितीनुसार, ५० कोटी यूजर्स याचा दररोज लाभ घेऊ शकतील. नेहमीप्रमाणे शुभेच्छा देण्यापेक्षा हा फेसबूकचा नवीन अंदाज हटके असल्याचे बोलले जात आहे